Omnibus Christi fidelibus ad quos presens scriptum peruenerit Isabella de Fortibus Albemarle et Deuonie ac domina Insule salutem in domino Nouerit uniuersitas uestra nos pro nobis et heredibus nostris ac assignatis nostris quibuscumque concessisse remisisse et quietum clamasse uiris religiosis abbati et conuentui de Lyra et eorum successoribus in perpetuum totum ius et clamum quod habuimus uel aliquo modo habere potuimus in custodia prioratus de Caresbroc ratione uacationis eiusdem uolentes et concedentes pro nobis et heredibus ac assignatis nostris predictis quod cedente uel decedente priore prioratus predicti qui pro tempore fuerit uel alias ad uoluntatem abbatis de Lyra amoto de custodia prioratus illius in nullo nos intromittemus nec aliquid ratione custodie prioratus eiusdem exercemus ibidem saluo tamen nobis et heredibus ac assignatis nostris toto iure nostro tam de aduocatione predicte domus quam de toto dominio nostro et etiam de omnibus aliis rebus que ad nos pertinent ratione aduocationis et dominii predicti prout nos et antecessores nostri de iure hactenus ibidem habere consueuimus et debemus In cuius rei testimonium presenti scripto sigillum meum apposui Datum London in crastino Ascensionis domini anno regni regis Edwardi nono

Source Fulltext: Cartulary of Carisbrooke Prior. S. F. Hockey. Isle of Wight Records Series, V.2. Isle of Wight County Record Office. Newport. 1981.