Hec est finalis concordia facta in curia domini regis apud Oxon[] a die Sancte Trinitatis in tres septimanas anno regni regis Henrici filii regis Iohannis tricesimo primo coram Rogero de Thurkelby Gilberto de Preston[] magistro Symone de Walton[] et Iohanne de Cobeham iusticiariis itinerantibus et aliis domini regis fidelibus tunc ibi presentibus inter Galfridum filium Iohannis querentem et Willelmum Marescallum deforciantem de consuetudinibus et serviciis que idem Galfridus exigebat de predicto Willelmo de libero tenemento suo quod de predicto Galfrido tenet in Parva Couele quod tenementum magister milicie Templi in Anglia tenet de predicto W et unde idem G exigebat de predicto W quod redderet ei per annum xv solidos sterlingorum et quod faceret ei servicium quarte partis unius militis pro predicto tenemento que servicia idem W ei non cognovit Et unde placitum fuit inter eos in eadem curia scilicet quod predictus Galfridus remisit et quietum clamavit de se et heredibus suis predicto W et heredibus suis totum ius et clameum quod habuit in predictis serviciis que exigebat versus eum salvis eidem G et heredibus suis homagiis predicti W et heredum suorum tantummodo de predicto tenemento in perpetuum Et pro hac remissione quietum clamacione fine et concordia idem Willelmus ad peticionem predicti G remisit et quietum clamavit de se et heredibus suis fratri Roberto de Saunford[] magistro milicie Templi et successoribus suis et fratribus milicie Templi predicte predicta servicia que idem magister prius facere consuevit Willelmo predicto pro predicto tenemento quod de eo tenet in perpetuum Ita tamen quod idem magister et successores sui et predicti fratres decetero reddent singulis annis Reginaldo de Chisebech et heredibus suis de quo Reginaldo idem G tenet predictum tenementum predictos xv solidos sterlingorum quos idem G exigebat de predicto W pro eodem tenemento ad duos terminos in perpetuum scilicet medietatem ad festum sancti Michaelis et alteram medietatem ad festum beate Marie in Marcio et similiter quod idem magister et successores sui et predicti fratres facient Galfrido de Chaucy capitali domino illius feodi de quo predictus Reginaldus de Chisebeche tenet predictum tenementum et heredibus ipsius G de Chausi predictum servicium quarte partis unius militis pro predictis Willelmo Galfrido filio Iohannis et Reginaldo et heredibus eorum de predicto tenemento in perpetuum Et hec concordia facta fuit presentibus predictis Reginaldo de Chisebeche et G de Chausy et illam concedentibus ita quod idem G de Chausy vel heredes sui nihil aliud decetero poterunt clamare vel exigere de predicto magistro vel successoribus suis vel predictis fratribus pro predicto tenemento nisi tantummodo predictum servicium quarte partis unius militis nec idem Reginaldus vel heredes sui nisi predictos xv solidos per annum tantummodo nec etiam idem G de Chaucy vel heredes sui nihil aliud poterunt exigere de predicto Reginaldo vel heredibus suis quam homagia ipsorum de predicto tenemento nec idem Reginaldus vel heredes sui nihil aliud poterunt exigere de predicto G filio Iohannis vel heredibus suis nisi homagia ipsorum tantummodo pro predicto tenemento in perpetuum Et sciendum quod quidam articulus contentus in cirographo prius inter predictos magistrum et Willelmum in curia eiusdem regis coram iusticiariis suis apud Westmonasterium confecto de hoc quod idem Willelmus acquietaret predictum magistrum de servicio quod predictus Galfridus filius Iohannis exigebat ab eo de predicto tenemento scilicet ille articulus in quo continetur quod predictus Willelmus et heredes sui acquietarent et defenderent predictum magistrum et successores suos et fratres predicte milicie Templi versus predictum Galfridum filium Iohannis et heredes suos et versus capitales dominos feodi illius de omnibus serviciis ad predictum tenementum pertinentibus per istum finem penitus adnichilantur et similiter hec concordia facta fuit presente predicto magistro et eam concedente

Source Fulltext: Sandford Cartulary. A. M. Leys. Oxfordshire Record Series, V.12. Oxfordshire Record Society. Oxford. 1938.