Anno gracie m cc xl septimo ad festum Sancti Johannis Baptiste facta fuit haec convencio inter Hugonem Abbatem et Conventum de Seleby ex una parte et Robertum de Willegby militem ex altera videlicet quod praedictus Robertus pro se et heredibus suis concessit imperpetuum eisdem Abbati et Conventui et successoribus ipsorum exaltare stagnum molendinorum suorum de Seleby et omnibus modis ex utraque parte equaliter reparare per metas et bundas et usque ad superiorem partem metarum eodem die factarum a molendino usque ad domum Henrici Kelking[] Et non licebit eis ultra illas metas stagnum praedictum exaltare sine licencia praedicti Roberti vel heredibus suis Et ne dictus Robertus vel heredes sui contra istam composicionem ejusdem stagni per predictas metas et bundas eodem tempore in salicibus et lapidibus factas exaltacionem venire aliquatenus possint inposterum vel Abbas et Conventus ultra illas metas dictum stagnum exaltare praesens scriptum sigillorum suorum apposicione tam Abbas quam Conventus quam idem Robertus in hujus rei testimonium sempiternum corroboraverunt Et sciendum quod Abbas et Conventus concesserunt et quietam clamaverunt praedicti Roberto et heredibus suis parcum suum de Thorp[] sicut in illo tempore includebatur imperpetuum sine clamio tenend et possidendum et pro ista quieta clamacione praedictus Robertus concessit et quietam clamavit pro se et heredibus suis et pro omnibus hominibus suis de Thorp eisdem Abbati et Conventui et eorum successoribus Ruddeker imperpetuum sine clamio tenend et possidendum

Source Fulltext: The Coucher Book of Selby. J. T. Fowler. Yorkshire Archaeological and Topographical Association, V.10. Yorkshire Archaeological and Topographical Association. Thomas Claudcleugh. Durham. 1891.