Omnibus Christi fidelibus ad quos presens scriptum pervenerit Hugo de Bello Campo filius Oliueri de Bello Campo salutem Nouerit uniuersitas uestra me pro dei amore et pro salute anime mee et omnium antecessorum et successorum meorum dedisse et concessisse et hac presenti carta mea confirmasse deo et domui sancte Marie de Bisshemade et priori et canonicis ibidem deo seruientibus et in perpetuum seruituris locum de Bisshemade cum omnibus pertinenciis suis et tantum bosci et terre quantum continetur a torrente fluente sub Bisshemad de parco meo de Eton iuxta foueam Simonis de Pateshull in longitudine usque Lemmarsweie et latitudine a fouea Simonis de Pateshull usque ad boscum Willelmi Danensis Concessi etiam et confirmaui eidem domui et canonicis eisdem decimationes medietatis terre Simonis de Pateshull quam habet in parco de Eton Dedi etiam et confirmaui prefate domui et canonicis ad introitum et exitum habend et ad animalia sua pascenda unam uiam in latitudine duarum perticarum et quatuor pedum per perticam xviii pedum mensuratam a porta silicet eiusdem domus usque ad terram Reginaldi filii Goseberti decani in qua uia nullus alius nisi uoluntate et concensu inhabitantium domum de Bisshemade animalia sua passet nec itineris causa nisi per capud eiusdem uie introitum faciat preterea aliam uiam in puram et perpetuam elemosinam eidem domui et canonicis dedi et confirmaui in latitudine duarum perticarum per perticam xviii pedum mensuratam a bosco illius domus in longitudine se extendentem usque ad forensem boscum uersus orientem iuxta boscum Willelmi Danensis et quantum terre iacet inter Hanger et boscum Ricardi de Bello Campo ad uiam et ad pasturam habend cum fouea ex parte bosci Ricardi de Bello Campo usque ad terram Willelmi de Brutteuile et a terra Willelmi de Brutteuile aliam uiam in latitudine xviii pedum se extendentem usque ad terram quam eis in puram et perpetuam elemosinam dedi et concessi scilicet xxviii acras per perticam xv pedum et dimidii mensuratas et inter ianuam que fuit de parco Acolweie et le Bucstal iuxta terram Ricardi de Bello Campo iacentes istam autem totalem uiam a bosco predicte domus usque ad terram eiusdem domus sic ex pluribus uiis collectam eidem domui in puram et perpetuam elemosinam dedi et confirmaui ut per eam uiam eant ad terram suam et redeant et animalia sua pascant in eadem uia et per illam uiam animalia sua ad communia pascua per omne dominium meum ducant et reducant ita tamen quod nullus hominum in mundo sine permissu et uoluntate prioris et canonicorum eiusdem domus ad hanc libertatem uel aliam quamcunque sibi uendicandam uiam prenominatam intrare possit Item concessi et confirmaui domui et canonicis de Bisshemade terram quam Willelmus de Brutteuile sepedicte domui et canonicis in perpetuam elemosinam dedit et concessit scilicet xx acras per perticam xviii pedum mensuratas reddendo annuatim pro omnibus consuetudinibus seruiciis et exactionibus Willelmo de Brutteuile et heredibus suis unam libram piperis ad Pascha Item concessi et confirmaui prefate domui et prefatis canonicis in puram et perpetuam elemosinam terram quam Adam de Chauton tenuit de me in assarto de Eton scilicet xxxvi acras terre arabiles per perticam xviii pedum mensuratas et unam acram prati in prato de Eton tenend et habend liberas et quietas ab omni seruitio et exactione seculari quas prefatus Adam dedit predicte domui et canonicis in perpetuam elemosinam Concessi etiam memorate domui in molendinis de Eton primam multuram post illam que sursum fuerit inuentum in binna Preterea concessi et confirmaui eisdem canonicis cum omnibus meis liberis hominibus omnem libertatem scilicet in pratis in pascuis in uiis in semitis in aquis in bosco in plano et in omnibus cometiam memorate domui in molendinis de Eton primam mulconcessiones adquisitiones que ad presens in assarto meo de Eton aut alibi in feudo meo iuste et rationabiliter adepti sunt uel in futurum iustis modis deo uolente adipisci poterunt firmiores securiores stabiliores sint presenti scripto et sigilli mei appositione eas confirmaui Hiis testibus Nicholao de Bello Campo Ricardo capellano de Sancto Neoto Willelmo capellano de Kayso Iohanne capellano de Pertenhaie Ricardo de Bello Campo Reginaldo de Baa Willelmo de Chauto Eun de Stacheden Hugone de Weldebof Roberto filio Radulfii Radulfo de Weldebof Simone Chanuto Willelmo de Weldeb Oliuero de Weldeb Girardo de Weldeb Waltero de Weldeb Waltero de Broy Gilberto de Broy et multis aliis

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.