Omnibus sancte matris etc Hugo de Bello Campo filius Oliueri salutem Nouerit uniuersitas uestra me intuitu caritatis dedisse et concessisse et hac mea carta confirmasse deo et monasterio sancte Marie de Bisshemade et canonicis ibidem deo seruientibus et in perpetuum seruituris in puram et perpetuam elemosinam pro salute anime mee et pro animabus antecessorum meorum omnium totam illam terram cum mesuagio et crofto et cum omnibus aliis pertinenciis suis quam Radulfus filius Odonis tenuit de me in uilla et in campis Etonie predicte domui et canonicis habend et tenend et in pace in perpetuum possidendam libere et quiete et honorifice cum omnibus communibus in bosco et plano in pratis et pascuis et in omnibus locis et in omnibus libertatibus quos liberi mei homines habent uel habebunt Et ego et heredes mei warantizabimus totam predictam terram cum omnibus pertinenciis suis predicto monasterio de Bisshemade et canonicis prescriptis contra omnes homines et feminas Et ut donacio hec et concessio firmitatis perpetue uigorem obtineat presentis sigilli mei apposicione eam confirmaui Hiis testibus Johanne persona de Stocton[] Radulfo persona de Colmord[] Ricardo capellano de Eton[] Phillipo Stutt[] Henrico Pigoun Girardo de Weldeb[] Willelmo capellano Johanne capellano et aliis

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.