Uniuersis sancte matris etc Matilda de Chauton salutem Nouerit uniuersitas uestra me dedisse et concessisse et hac mea presenti carta confirmasse deo et beate Marie de Bisshemade et canonicis ibidem deo seruientibus et in perpetuo seruituris in liberam et perpetuam elemosinam pro salute anime mee et predecessorum meorum et omnium successorum redditum annuum duorum solidorum et sex denariorum de illa terra quam tenui de Tani filio Siluestri Manchel ad unius luminare lampadis in perpetuum sustinende in ecclesia predicte domus de Bisshemade quem redditum scilicet Ricardus Blacsalt mihi solebat per annum pro vii rodis terre quas in libera uiduitate mea comparaui de Tani predicto pro xv solidis predictis canonicis habend et in perpetuum possidendum libere et quiete et pacifice ab omni seculari seruitio saluo unico denario quem dicti canonici soluent annuatim Asceline matri predicti Tani et heredibus suis ad Pascha prout carta quam habui de predicto Tano profitetur et testificatur Et ut hec mea donatio et concessio rata et stabilis in perpetuum perseueret presentem cartam sigilli mei munimine roboraui Actum anno gratie mccxxxii die undecim mille uirginum apud Eton Hiis testibus

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.