Hec est finalis concordia facta in curia domini regis apud Westmonasterium in octabis sancti Martini anno regni regis Henrici filii regis Iohannis septimodecimo coram Thoma de Muleton Willelmo de Raleg[a] Roberto de Lexinton Willelmo de Eboraco et Radulfo de Norwico iusticiariis et aliis domini regis fidelibus tunc ibi presentibus inter Radulfum de Burgham capellanum petentem et fratrem Robertum de Saunford magistrum milicie Templi in Anglia quem Robertus de la Wyk vocavit ad warantum et qui ei warantizavit per fratrem Iohannem filium Aucherii positum loco suo ad lucrandum vel perdendum de dimidia hida terre cum pertinenciis in Hakeney Et unde placitum fuit inter eos in eadem curia scilicet quod predictus Radulfus remisit et quietum clamavit de se et heredibus suis ipsi magistro et successoribus suis et fratribus predictis milicie Templi totum ius et clameum quod habuit in tota predicta terra cum pertinenciis imperpetuum Et pro hac remissione quietum clamacione fine et concordia idem magister dedit predicto Radulfo sexdecim marcas sterlingorum

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 23. British Academy. Oxford University Press. Oxford. 1996.