Omnibus hoc presens scriptum uisuris uel audituris Radulfus de Weldebof salutem Nouerit uniuersitas uestra me dedisse concessisse et hac presenti carta mea confirmasse deo et ecclesie sancte Marie de Bisshemade et canonicis ibidem deo seruientibus et in perpetuum seruituris Ricardum filium Botild de Colmorde hominem meum et totam terram illam quam de me tenuit in eadem uilla cum mesuagio domibus pratis pascuis et omnibus aliis suis pertinenciis in liberam et perpetuam elemosinam tenend et habend de me et heredibus meis sibi et successoribus suis integre bene et in pace libere et quiete faciendo inde annuatim mihi et heredibus meis forinsecum seruitium quantum pertinet ad dimidiam uirgatam terre in eadem uilla de eodem feodo excepta curie mee secta pro omni seculari seruitio exactione et demanda Et ego predictus Radulfus et heredes mei predictum Ricardum et terram predictam cum omnibus suis pertinenciis pro predicto seruitio predictis ecclesie canonicis et successoribus suis contra omnes homines et maxime contra Iudeos in perpetuum warantizabimus et ab omni alio seculari seruitio defendemus et acquietabimus Et ut ista donatio sub forma predicta firma stabilis maneat et inconcussa in perpetuum istud scriptum sigilli mei inpressione roboraui Hiis testibus etc Actum anno regis Henrici filii regis Iohannis tricesimo quarto in crastino animarum apud Bisshemade

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.