Vniuersis Christi fidelibus presentes litteras inspecturis vel audituris frater R[] quidem prior montis sancti Michaelis in Cornubia et Galfridus de Aubemarne dominus de Penbyrzy salutem in domino Vniuersitati nostre significamus quod cum valde longa contencio extitisse inter me et alios priores et monachos qui in dicto monte extiterunt pro tempore et existunt ex vna parte et me predictum G[alfridum] de Aubemarne et antecessores meos de altera super quadam terra sita inter terram sancti Hilarij et terram de Penberzy In hanc conuencionis formam pacis quod una queque habeat medietatem dicte terre de qua erat contencio a parte sui tenementi inperpetuum absque vlla reclamacione cuiusquam nostri aut successorum nostrorum vel heredum Preterea ego premissus G de Aubemarne dedi et concessi dictis priori et monachis de glebis more mee prope terram prehibitam per inspeccionem famuli mei in loco conpetenti singulis annis inperpetuum quantum duobus diebus fodere poterit vnus homo aut duo homines vno die et idem prior et monachi dederunt mihi pro premissis duas marchas sterlingorum Quod vt ratum et inconcussum perseueret vterque nostrum in modum cirographi presentibus litteris sigillum suum duxit apponendum Hiis testibus domino Alano de Kyrnic domino Henrico de Kemiel Godefrido rectore de Lenduon Willelmo de Treygemb[] Allexandro de eodem Ricardo clerico et aliis Actum anno gracie millesimo ducentesimo quadragesimo ix die lune proxima post festum sancti Dionisij in octabas

Source Fulltext: Cartulary of St. Michael's Mount. P. L. Hull. Devon and Cornwall Record Society, New Series, V.5. Devon and Cornwall Record Society. Devonshire Press. Torquay. 1962.