Omnibus Christi Humfridus de Bereforde miles salutem in domino Nouerit uniuersitas uestra quod cum contentio fuisset inter me ex una parte et priorem et conuentum canonicorum et ecclesie sancte Marie de Bisshemade ex altera super secta curie homagio releuio conuiuio et aliis demandis si que essent que michi fieri petii de dimidia hyda terre cum pertinenciis quam idem canonici tenent de feodo meo in Bereforde siue plus habeatur siue minus ego Humfridus pro me et heredibus uel assignatis quibuscumque successoribus meis pro salute animarum nostrarum concessi remisi et quietum clamaui deo et beate Marie et dictis canonicis et eorum successoribus omnes demandas predictas et alias quocumque nomine conseantur ratione preclicti tenementi in perpetuum saluo seruitio domini regis de ipso tenemento debito quod seruitium mihi uel heredibus meis cum acciderit reddi debet Et ego Humfridus heredes uel assignati seu quicumque successores mei dictam dimidiam hydam terre siue plus siue minus habeatur dictis canonicis contra omnes mortales acquietabimus et defendemus de seruiciis et consuetudinibus que ad dictum Humfridum pertinent uel nomine eius uel heredum suorum aliqua ratione de predicta dimidia hyda terre exigi poterunt in perpetuum In cuius rei testimonium huic scripto in modo cirograffi confecto tam predictus dominus Humfridus quam nos alternatim sigilla nostra apposuimus Datum in uigilia omnium sanctorum anno domini millesimo cc septuagesimo quinto Hiis testibus

Source Fulltext: Cartulary of Bushmead Priory. G. H. Fowler and J. Godber. Bedfordshire Historical Records Society, V.22. Bedfordshire Historical Records Society. Stretley. 1945.