Universis sancte matris ecclesie filiis presens scriptum visuris vel audituris Robertus permissione divina Karleol[] ecclesie minister humilis salutem in Domino sempiternam Orta nuper contentione inter religiosos viros priorem et conventum de Lanrecost[] ordinis sancti Augustini ex parte una et dominum Ricardum perpetuum vicarium ecclesie de Erthington[] nostre diocesis ex altera super quibusdam decimis garbarum in diversis locis infra parochiam ecclesie supradicte et super limitibus seu divisis parochie ecclesie supradicte et parochiarum de Walton[] et Brampton[] nec non et super minutis decimis de nutrimentis animalium feni et aliarum rerum manerii dictorum religiosorum de Prestouer siti infra limites parochie de Erthington[] suprascripte Tandem huiusmodi contentio per amicabilem compositionem de consensu partium expresso conquievit sub hac forma Videlicet quod dictus vicarius et successores sui decetero percipiant omnimodas decimas garbarum infra divisas subscriptas videlicet a descensu aque molendini de Erthington[] in Erthin[] usque ad dictum molendinum ubi molendinum nunc situm est et sic ascendendo per ductum aque dicti molendini usque ad Kerbanc[] et sic per summitatem del Kerbanc[] versus aquilonem usque ad Cumrech et sic per occidentalem costeram de Cumrech et per palos ibidem fixos usque ad summitatem del Bank[] inter Cumrek et murum antiquum et sic per illam summitatem usque ad murum predictum et sic per eundem murum versus occidentem usque ad divisam que est inter Erthington[] et Blaterne et sic a muro prefato per divisam illam versus austrum usque ad divisam que est inter Erthington[] et Neuby et sic per illam divisam usque ad aquam de Erthin[] et sic ascendo per aquam de Erthin[] usque ad descensum aque predicti molendini in Erthin[] et quod cursus aque de Erthin[] pro certa divisa habeantur de cetero inter parochias de Erthington[] et Brampton[] ubi maior pars eiusdem aque tempore confectionis huius scripti currit seu temporibus futuris cucurrerit salvo in omnibus vicario de Brampton jure suo Predicti vero religiosi omnimodas decimas garbarum dicte parochie de Erthington[] extra divisas suprascriptas pacifice de cetero percipiant nomine personatus eiusdem ecclesie de Erthington[] videlicet de Neuby Blaterne et de omnibus terris ex aquilonali parte muri et omnes decimas garbarum ex australi parte aque de Erthina et etiam omnes decimas ex orientali parte garbarum scilicet a descensu aque predicti molendini in Erthin[] per divisas supradictas usque ad murum preter decimas garbarum crescentium in orto Willelmi de Neuby et in aliis ortis totius parochie quas dictus vicarius et successores sui integraliter et pacifice percipient in futurum Dictus vero vicarius et successores sui omnes minutas decimas et cetera omnia altaragio pertinencia prout in taxatione vicarie continetur per totam parochiam predictam de Erthington[] percipient tam apud manerium predictorum religiosorum de Prestouer quam alibi exceptis propriis animalibus eorundem religiosorum et eorum nutrimentis et feno eiusdem manerii de quibus in posterum nullam decimam prestabunt Medietas vero trium eskeparum farrine avene quas vicarius dicte ecclesie de Erthington[] ipsis religiosis per primam taxationem seu ordinationem vicarie annuatim solvere tenebatur predicto r[icardo] et successoribus suis decetero relaxabitur ita quod successores sui dumtaxat unam eskeppam et dimidiam farrine avene eisdem religiosis solvant et solvere teneantur una cum duabus eskeppis brasei prout in prima taxatione dicte vicarie plenius continetur Nos autem pro bono pacis et tranquillitatis partium necnon et utilitatis earundem quam in premissis versari perpendimus evidenter dictam compositionem amicabilem de consensu partium ipsarum expresso et spontaneo acceptam ratam habentes et gratam eidem auctoritatem nostram impartimur et ipsam auctoritate nostra confirmamus statuentes ipsam de cetero inviolabiliter observandam In cuius rei testimonium huic scripto in modo cyrograffi confecto sigillum nostrum cum sigillo dicti vicarii uni parti que penes dictos priorem et conventum residebit et alteri parti sigillum nostrum cum communi sigillo dictorum religiosorum que penes ipsum vicarium remanebit est appensum Datum apud Rosam x Kal[] Novembris anno Domini m cc lxx quinto pontificatus nostri anno nonodecimo

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.