Sciant presentes et futuri quod ego Willelmus de Bellocampo filius Johannis de Bellocampo dominus de Eton concessi et hac presenti carta mea confirmaui pro me et heredibus meis deo et beate Marie et monachis de Wardon omnes terras quas aliquo modo habent de feodo meo et antecessorum meorum et hominum eorum Similiter quecunque habent de donacionibus et vendicionibus quas aliquo modo eis fecerunt homines mei in terris in pratis redditibus boscis clausuris haiciis fossatis molendinis aquis pasturis viis semitis introitibus et exitibus cum omnibus pertinenciis suis et cunctis libertatibus suis Scilicet quicquid habent de feodo meo in territorio de Sondeye et de hominibus et de tenementis eorum et quicquid habent in territorio de Stanforde et de Caldecote et omnia que habent in Stacheden et in Delewyk de dono Hugonis de Broy et in omnibus aliis licis quecunque sint de feodo meo et ad meum pertinent dominium Predicti autem monachi habebunt et tenebunt omnia predicta libere et quiete bene et in pace sine ullo retenemento in perpetuam elemosinam liberam et quietam ab omni genere seruicii et omnimoda exaccione consuetudine secta et demanda saluo tamen domini regis seruicio scilicet scutagio Et ego predictus Willelmus de Bello campo dominus de Eton et heredes mei warantizabimus iam dictis monachis de Wardon omnia supradicta in omnibus sicut prescriptum est contra omnes homines et feminas in perpetuum Et ut hec mea concessio confirmacio et warantizacio inviolabile robur optineant presentem cartam sigilli mei impressione roboraui Hiis testibus Nicholao de Cernes Gaufrido de Brettevill[] militibus Ricardo Burnard tunc rectore ecclesie de Temsford Nicholao de Deyll[] tunc senescallo dicti Willelmi Petro de Brumford

Source Fulltext: Cartulary of the Priory of Old Wardon, Bedfordshire. G. H. Fowler. John Rylands Library, Manchester, Latin 223. Manchester University Press. Manchester. 1931.