Omnibus sancte matris ecclesie filiis ad quos presens scriptum pervenerit Willelmo filio Ricardi de la Sonde salutem in Domino Sciatis me dedisse concessisse et presenti carta mea confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eisdem domus fratribus pro salute anime mee et omnium antecessorum et successorum meorum unum denarium annui redditus quem percipere solebam de mesuagio illo quod iacet iuxta regale cheminum prope lompet in parochia de Halstede cum homagiis releviis et omnibus aliis consuetudinibus ad me vel ad heredes meos inde spectantibus sine aliquo retenemento habendum et tenendum in liberam puram et perpetuam elemosinam Et ego Willelmus et heredes mei warantizabimus et defendemus predictam donacionem predicte domui hospitalis et dictis fratribus contra omnes homines et omnes feminas imperpetuum Hiis testibus Andrea filio Willelmi Ricardo Huraund[] Willelmo filio Ricardi Willelmo marescallo Roberto Fraunceys Rogero filio Sabine Iohanne filio Willelmi Hugone filio suo et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.