Nouerint uniuersi Cristi fideles quod ego Willelmus dominus de Holewell[] filius et heres Johannis de eadem concessi et presenti scripto confirmaui remisi omnino eciam pro me et heredibus meis et assignatis quibuscunque quietum clamaui domino Radulpho abbati de Wardon et eiusdem loci conuentui totum ius meum quod habui vel aliquo modo habere potui in viginti et octo acris terre arabilis et quatuor acris prati cum suis pertinenciis in villa de Henlowe de feodo quondam domini Johannis de Grey Que quidem terra et pratum fuerunt quondam Willelmi Moysi de eadem quas quidem terras et pratum dictus dominus Johannes de Grey de predicto Willelmo Moysi tenente suo impetrauit et postmodum post mortem suam predicte terre et pratum hereditarie descenderunt ad dominum Reginaldum filium suum dicti domini Johannis de Grey et heredem Qui quidem Reginaldus predictas terras et pratum una cum manerio suo in dicta villa de Henlowe existente cum omnibus suis pertinenciis viris religiosis domino Alexandro abbati et conuentui de Wardon dedit in liberam et perpetuam elemosinam Et cum contigeret quod ego predictus Willelmus dominus de Holewell[] aliquo tempore mouebam [sic] placitum super predictis terris et prato versus predictos religiosos de quibus terris et prato nunquam possessionem habui pro maiori iactura euitanda dicti religiosi querebant grantum meum et pacificabant totaliter mecum et a me optinuerunt scriptum quiete clamacionis iuris mei si quid habui vel aliquo modo habere potui in predictis terris et prato cum suis pertinenciis Et quia dubitabant super facto meo eis signato quia fuissem infra etatem legitimam in confectione primi mei instrumenti hoc presens scriptum una cum primo scripto meo eis dato de predictis terris et prato Ego predictus Willelmus pro me et heredibus meis et assignatis ratifico et confirmo in presenti Ita quod nec ego predictus Willelmus dominus de Holewell nec heredes mei nec assignati in predictis terris cum prato in parte vel in toto aliquod ius vel clameum de cetero exigere poterimus vel vendicare debemus Set eis concedo quod ea teneant et possideant in liberam puram et perpetuam elemosinam inperpetuum sine aliquo retenemento Et ego predictus Willelmus et heredes mei et assignati predictas viginti octo acras una cum quatuor acris prati predictis predictis religiosis et suis successoribus versus dominum Regem et omnes alios mortales warantizabimus acquietabimus et defendemus in perpetuum In cuius rei testimonium presenti scripto sigillum meum apposui Hiis testibus Nicholao de Meperteshale Willelmo Breton Willelmo filio Roberti de Meperteshale Nicholao de Boweles Willelmo ad Ecclesiam de Clifton Radulpho de Faukeswell in eadem et aliis Datum apud Schefforde die sancte Katerine virginis anno regni Regis Edwardi filii Regis Henrici tricesimo quinto

Source Fulltext: Cartulary of the Priory of Old Wardon, Bedfordshire. G. H. Fowler. John Rylands Library, Manchester, Latin 223. Manchester University Press. Manchester. 1931.