Hec est convencio facta inter abbatem et conventum de Haghmon[] ex parte una et Ricardum Hord[] et Evam uxorem eius ex altera videlicet quod dicti abbas et conventus concesserunt et ad firmam perpetuam tradiderunt predictis Ricardo et Eve totam terram suam et totam partem suam tocius ville de Waleforde in mesuagiis terris vastis homagiis villenagiis redditibus serviciis cum omnibus suis pertinentiis salvis dictis abbati et conventui tota parte sua bosci de Walleforde et una placea vasti que iacet iuxta dictum boscum per viam qua itur a dicto bosco versus Walleforde ultra sichetum et sic usque ad fossatum de Bradele sicut mete portant quam quidem placeam vasti bene licebit dictis abbati et conventui assartare et colere pro sua voluntate et in defenso tenere clausam sine impedimento predictorum Ricardi et Eve herede et hominum suorum habend et tenend totum tenementum predictorum abbatis et conventus in Waleford excepto bosco et vasto ut predictum est predictis Ricardo et Eve et heredibus inter eos legittime procreatis de predictis abbate et conventu ad perpetuam feodi firmam libere et quiete Reddendo inde annuatim dictis abbati et conventui et eorum successoribus duas marcas argenti videlicet unam marcam ad festum sancte Marie in Marcio et unam marcam in festo sancti Michaelis pro omni servio salvo forinseco et meliore bove pro herietto cuiusque tenentis cum obierit et rationabili relevio Et si contingat quod absit dictos Ricardum et Evam vel eorum heredes in solucione dicti redditus ad aliquem terminium deficere obligant dicti Ricardus et Eva totam terram quam habent in Waleforde et quamlibet eius partem districcioni ballivorum abbatis quod possint ipsos et heredes et homines suos ubique in feodo de Waleford per quemcumque namia voluerint distringere et apud Gulidon fugare et detinere quousque plenarie una cum dampnis eis fuerit satisfactum vel quod idem abbas et successores sui dicta tenementa ingredi valeant et integraliter detinere sine contradiccione cuiuscumque Et pro ita concessione et tradicione predictus Ricardus fecit homagium et fidelitatem sepedictis abbati et conventui quod erit de eorum consilio et ubicumque ipsum adesse contigerit prestabit eis consilium et auxilium pro viribus oportunis et heredes sui similiter facient qui dictam terram tenuerint Hiis testibus Domino Thoma de Roshale Viviano fratre eius Ricardo de Leton[] etc Dat[] apud Haghmon[] Kal[] Januarii anno gratie mcccvi

Source Fulltext: The Cartulary of Haughmond Abbey. Una Rees. Shropshire Archaeological Society and Univ. of Wales Press. Univ. of Wales Press. Cardiff. 1985.