Uniuersis sancte matris ecclesie filiis presentes litteras uisuris uel audituris Robertus Bonheyt burgensis Suthampton salutem in Domino Nouerit uniuersitas uestra quod cum Alicia filia Walteri Flandrensis quondam uxor mea defuncta legitime condidisset testamentum suum et in eodem testamento suo quandam domum in Suthampton cum quadam placea uacua eidem adiacente ex parte boreali quam inhabitauimus et quam habuit ex dono et legato dicti Walteri patris sui que quidem domus fuit quondam Simonis le Franceys avi dicte Alicie de uoluntate et assensu meo ad sustentationem unius capellani pro anima sua et animabus antecessorum et successorum suorum et omnium fidelium defunctorum perpetuo diuina celebrantis per manus meas quem eiusdem testamenti coexecutorem constituit assingnari precepisset ego tam piam uoluntatem suam executioni debite cupiens demandare Willelmo de Arondel persona de Mikelham eiusdem testamenti coexecutore huic rei expresse assensum prebente concessi assingnaui tradidi et presenti carta mea confirmaui predictam domum et placiam uacuam eidem adiacentem cum suis pertinentiis priori et fratribus Domus Dei Suthampton tenend et habend eandem domum et placiam uacuam eidem adiacentem cum suis pertinentiis dictis priori et fratribus et eorum successoribus in perpetuum libere quiete integre et pacifice ad perpetuam sustentationem unius capellani in domo sua pro anima dicte Alitie et animabus antecessorum et successorum nostrorum et omnium fidelium defunctorum diuina perpetuo celebrantis reddendo inde annuatim capitali domino feodi debitum et consuetum redditum pro omni seruitio et seculari demanda Ego uero et heredes mei uel assingnati qui tenementa mea in posterum tenebunt predictam domum et platiam uacuam eidem adiacentem cum suis pertinentiis dictis priori et fratribus et eorum successoribus contra omnes gentes warantizabimus acquietabimus et defendemus in perpetuum Et ut hec mea concessio et assingnatio perpetue firmitatis robur optineant hanc presentem cartam sigilli mei appositione roboraui et sigillo supradicti Willelmi coexecutoris mei roborari feci et ad maiorem securitatem sigillum communitatis uille Suthampton eidem apponi procuraui Hiis testibus Henrico le Flemeng et Iacobo Ysembard tunc balliuis Suthampton Nicholao Becket Willelmo de Arondel Nicholao de Barbeflut Waltero le Hordir Iohanne Horn Henrico Longo Willelmo de Beaubeck Thoma de Andeuere Radulpho Paruo Galfrido de Prisa clerico et multis aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.