sciant presentes et futuri ad quos presens scriptum peruenerit quod anno domini mcclxx quinto die iouis proxima ante festum sancte Trinitatis ita conuenit inter dominum Robertum de Knoel priorem Domus Dei Suthampton fratres et sorores eiusdem Domus ex una parte et Iohannem Arny ex altera uidelicet quod dicti prior fratres et sorores communi et unanimi assensu concesserunt et dimiserunt dicto Iohanni et heredibus suis uel suis assignatis unam domum cum suis pertinentiis que est de eorundem feodo et est sita inter domum que fuit aliquando Roberti le Demicheualer ex parte orientali et domum que aliquando fuit Hereberti de Oreford ex parte occidentali in uilla Suthampton in parochia sancti Michaelis in uico qui dicitur Symenelstrete ex parte boreali uici habend et tenend dictam domum cum suis pertinentiis dicto Iohanni et heredibus suis uel suis assignatis de dicta Domo Dei libere quiete pacifice et integre imperpetuum uidelicet quamdiu dictus Iohannes et heredes sui uel sui assignati redditum de dicta domo debitum eidem Domui Dei de termino in terminum bene reddiderint et edificia competenter sustinuerint reddendo inde annuatim dicte Domui octo solidos et vi denarios ad quatuor anni terminos uidelicet ad festum sancti Michaelis duos solidos i denarium et obolum pro omni seruitio et seculari demanda Quod ut perpetuam optineat firmitatem huic scripto cyrographato signum commune dicte Domus et signum dicti Iohannis una cum sigillo prepositure uille Suth hinc inde alternatim sunt appensa Et pro hac autem concessione et dimissione dedit prenominatus Iohannes predictis priori fratribus et sororibus xl solidos pre manibus Hiis testibus domino Ada de Lekeford tunc principali balliuo Suth Bernardo de Toteneys Henrico le Flemeng Nicholao Beket Thoma de Andeuere Radulpho le Petit Iohanne Horn Hugone de Puteo Thoma Falkes Ricardo Gutewe Willelmo Sampson Ricardo le Arblaster et multis aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.