Hec est finalis concordia facta in curia dni regis apud Westm in octabis Beate Trinitatis anno regis Edwardi filii regis Henrici tercio coram Rogero de Senton[] Ricardo de Stanis Johanne de Cowham Thoma Weylond et Johanne de Lymetoft iusticiariis et aliis dni regis fidelibus tunc presentibus inter Robertum Bath et Well episcopum querentem et Johannem abbatem Glaston deforciatorem de manerio Pokeleschurch[] cum pertinenciis [...] et advocacione ecclesie de Boclaund[] in comitatu Dors[] unde placitum convencionis sumonitum fuit inter eos in eadem curia scilicet quod predictus abbas remisit et quietumclamavit de se et successoribus suis et ecclesia sua predicta Glaston predicto episcopo et successoribus suis et ecclesiis Bath et Well totum ius et clameum quod habuit in predictis maneriis feodis militum et advocacionibus ecclesiarum predictarum et capelle cum feodis militum ad eadem maneria pertinentibus ubicunque fuerint et omnibus aliis pertinenciis suis in perpetuum ita quod idem episcopus et successores sui teneant decetero predicta maneria cum feodis militum et omnibus aliis rebus ad illa maneria pertinentibus et advocaciones ecclesiarum predictarum sicut predictum est de dno rege et heredibus suis in capite in perpetuum Et predictus abbas concessit pro se et successoribus suis quod ipsi de cetero acquietabunt predictum episcopum et successores suos versus dnm regem et heredes suos de omnibus serviciis ad predicta maneria pertinentibus salvis tamen eidem abbati et successoribus suis et ecclesie sue predicte annuis pensionibus quas predecessores ipsius abbatis et ecclesia sua predicta percipere consueverunt scilicet de ecclesia de Pokeleschurch l solidos de ecclesia de Wynescombe j marcam que eis per finem istum remaneant in perpetuum Et pro hac remissione quietaclamancia concessione fine et concordia idem episcopus remisit et quietumclamavit de se et successoribus suis et ecclesiis predictis predicto abbati et successoribus suis et ecclesie sue predicte totum ius et clameum quod habuit in manerio de Aysshebury cum pertinenciis suis [...] eiusdem ville Que quidem advocaciones ecclesiarum remanent per finem istum prefato episcopo et successoribus suis episcopis Bath et Well in perpetuum et manerium de Mere cum pertinenciis in comitatu Somers[] et advocacione ecclesie eiusdem ville in perpetuum ita quod predictus abbas et successores sui teneant de cetero predicta maneria cum pertinenciis ut in dominicis feodis militum libertatibus liberis consuetudinibus et omnibus aliis rebus ad illa maneria pertinentibus exceptis advocacionibus ecclesiarum predictarum sicut predictum est dno regi et heredibus suis in capite per servicia que ad illa maneria pertinent in perpetuum et preterea idem episcopus remisit et quietumclamavit de se et successoribus suis predictis predicto abbati et successoribus suis et ecclesie sue predicte totum ius et clameum quod habuit in undecim libris [et] octo solidis sterlingorum quos predecessores ipsius episcopi annuatim percipere consueverunt de predecessoribus ipsius abbatis et ecclesia sua predicta de hundredis de Wyston[] et Wythelegh[] pro turnis et auxiliis vicecomitum in terris ipsius abbatis in perpetuum Remisit eciam idem episcopus et quietumclamavit de se et successoribus suis et ecclesiis suis predictis predicto abbati et successoribus suis et ecclesie sue Glaston totum ius et clameum quod habuit in medietate omnium amerciamentorum [...] hominibus hominum eorundem in perpetuum que quidem undecim libre et quinque solidi et medietas predictorum amerciamentorum bona et catalla eidem abbati et successoribus suis et ecclesie sue predicte per finem remanebunt in perpetuum Et hec concordia facta fuit inter eos salvis eidem episcopo et successoribus suis et ecclesiis suis predictis et predicto abbati et successoribus suis et ecclesie sue predicte omnibus aliis articulis contentis in quodam cirograffo inter eosdem Robertum episcopum et Johannem abbatem confecto cui sigilla eorum sunt appensa de quibus articulis nulla fit mencio in fine isto et similiter hec concordia facta fuit ex assensu et voluntate predicti dni regis tunc presentis et eam concedentis salvo eidem dno regi et heredibus suis iure suo si quid habet in dicto redditu undecim librarum et quinque solidorum ut in articulis predictis et preterea hec concordia facta fuit ex assensu et voluntate prioris et conventus Bath [ac] decani et capituli Well qui prefatis iusticiariis literas suas inde transmiserunt patentes

Source Fulltext: Great Chartulary of Glastonbury. A. Watkin. Somerset Record Society, V.59. Somerset Record Society. Butler and Tanner. Frome. 1947.