sciant presentes et futuri quod anno millesimo cc septuagesimo sexto modo subscripto in festo sancti Michaelis conuenit inter Robertum de Knoel tunc magistrum Domus Dei Suthampton et fratres et sorores eiusdem Domus ex una parte et Ricardum Balistarium burgensem Suthampton et Aliciam uxorem suam ex altera uidelicet quod dicti magister et fratres et sorores concesserunt et dimiserunt dictis Ricardo et Alicie uxori sue quoddam tenementum quod de eorum feodo est et quod Wymundus de Dertemouthel aliquando habuit et tenuit de dicta Domo Dei in Suthampton sine aliquo waranto in uico anglico in parochia sancte Crucis ex parte occidentali uici inter uenellam que uocatur Gropelane ex parte australi et domum quam Robertus de Arundel cepit cum Iuliana uxore sua ex parte boriali habend et tenend dictis Ricardo Balistario et Alicie uxori sue et heredibus eorum uel eorum assignatis exceptis uiris religiosis et iudaismo et aliis quibuscumque personis per quas predictum tenementum a dicta Domo Dei posset alienari libere quiete integre et imperpetuum reddendo inde annuatim sepedicte Domui Dei tres solidos ad consuetos terminos anni pro omni seruitio ad dictam Domum Dei pertinente domini regis et alterius cuiuslibet semper et in omnibus iure saluo In cuius rei robur et testimonium signa dictorum magistri et Domus ex una parte et dictorum Ricardi et Alicie uxoris sue ex altera huic scripto cyrographato hinc inde alternatim sunt appensa Hiis testibus Thoma le Blond Roberto le Mertier tunc balliuis Suthampton Nicholao de Barflet Henrico le Flemeng Roberto Bonhait Iacobo Ysemberd Bernardo le Moyne Willelmo Beaubec Iohanne Ryngston Thoma le Dimychiualer Petro de Lyons Waltero le Hordir Roberto de Barflet Radulpho Paruo Henrico Longo Rogero Baluair Ada le Hordir Roberto le Barbour Ricardo Clerico et multis aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.