sciant presentes et futuri quod ego Willelmus de Rokesdune dedi concessi et hac carta mea confirmaui Domui Dei de Suthampton pro salute anime mee et meorum in liberam puram et perpetuam elemosinam totam particulam illam terre mee in Kyngescroft super quam terra dicte Domus que aliquando fuit Simonis Gor et Iohannis fratris eius abutat uersus austrum habend et tenend dictam particulam libere quiete et in pace imperpetuum Et ego et heredes mei eandem particulam eidem Domui warantizabimus et defendemus contra omnes ut liberam elemosinam nostram Dicti uero fratres receperunt me in beneficiis et perpetuis orationibus suis et insuper dederunt michi de pecunia Domus sue septem solidos sterlingorum quos ego et heredes mei ipsi Domui sine difficultate qualibet restituemus si quod absit predictam particulam eidem warantizare et defendere non possumus Quod ut perpetuam optineat firmitatem hanc cartam tam fidei mee interpositione quam sigilli mei munimine roboraui Hiis testibus Willelmo Fortin et Henrico Brian tunc prepositis Sutht Ricardo clerico Semanno et Thoma Wlward Simone Gor et aliis Datum anno regni regis Henrici filii regis Iohannis xxx septimo Suthamptone

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.