Omnibus Christi fidelibus has litteras uisuris uel audituris magister Philippus Pille de Oxonia salutem Nouerit uniuersitas uestra me dedisse concessisse et quietam clamasse pro me et heredibus meis fratribus hospitalis sancti Iohannis extra portam orientalem Oxonie et eorum successoribus totum ius meum et clamium quod habui uel habere potui in dimidia marca annualis redditus cum pertinentiis quam habui de dono Iohannis Pilet annuatim percipiendam de domo Walteri Ingge in parochia beate Marie et de domo Walteri Kepharme infra portam orientalem Oxonie nichil iuris uel clamii michi uel heredibus meis de dicta dimidia marca cum pertinentiis retento in perpetuum habend et tenend sibi et successoribus suis libere et quiete in puram et perpetuam elemosinam sicut aliqua elemosina liberius et quietius dari possit Et ut hec omnia prescripta firma et inconcussa permaneant presenti scripto sigillum meum apposui Hiis testibus Galfrido de Henxteseye Iohanne de Coleshulle tunc prepositis Oxonie Waltero Aurifabro Galfrido Aurifabro Iohanne Cursy Iohanne Halegod et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.