Uniuersis sancte matris ecclesie filiis Benedicta filia Roberti Nuisus salutem in domino sempiternam Uniuersitati uestre significo quod ego in ligia potestate mea dedi concessi et hoc scripto meo confirmaui fratribus et sororibus domus sancti Iuliani Suthampton medietatem unius burgagii in uilla noui burgi in insula Uecta iacentem in australi uico predicte uille inter mesuagium quod fuit Willelmi Gumbel et mesuagium quod fuit Willelmi Duntun habend et tenend prefatis fratribus et sororibus in perpetuam elemosinam libere quiete bene integre imperpetuum et cui uel quibus dictam medietatem dicti burgagii cum omnibus pertinentiis suis et libertatibus et liberis consuetudinibus adiacentibus assignare uoluerint reddendo inde annuatim ipsi et assignati sui predicto Roberto patri meo unum denarium et domino noui burgi sex denarios uidelicet ad Pascha tres denarios et ad festum sancti Michaelis tres denarios pro omnibus seruitiis et secularibus exactionibus et demandis ad me uel ad heredes meos pertinentibus Ego uero Benedicta et heredes mei warantizabimus predictam medietatem dicti burgagii prefatibus fratribus et sororibus dicte domus sancti Iuliani Suthampton contra omnes imperpetuum Ut autem hec mea donatio et concessio robur optineant perpetue firmitatis presens scriptum sigilli mei inpressione dignum et utile duxi roborare Hiis testibus Willelmo de la Mare Nicholao de Christi ecclesia Nicholao clerico Henrico filio suo Ricardo Lebast Willelmo Uigo Ricardo dicto le Page Willelmo Duntun Roberto de Hoga clerico et aliis

Source Fulltext: Cartulary of God's House. J. M. Keye. Southampton Record Series, V.19. Southampton University Press. Southampton. 1976.