Sciant presentes et futuri quod ego Iohannes de Lacy de Oxonia dedi concessi et hac presenti carta mea confirmaui Edeline uxori mee pro seruitio suo quoddam mesuagium meum in parochia beati Petri orientalis Oxonie extra portam orientalem in suburbio eiusdem uille uidelicet illud mesuagium quod iacet inter terram que fuit aliquando Gilleberti le Chapeler ex parte occidentali et terram quam Thomas le Taylur tenet de hospitali sancti Iohannis ex parte orientali habend et tenend dictum mesuagium cum pertinentiis dicte Edeline et heredibus suis uel suis assignatis de me et heredibus meis uel meis assignatis libere quiete bene pacifice iure et hereditario in perpetuum reddendo inde annuatim capitalibus dominis feodi debitum seruitium et consuetum et michi et heredibus meis uel meis assignatis unam rosam ad festum Natiuitatis beati Iohannis Baptiste pro omni seruitio seculari et exactione et demanda Et ego predictus Iohannes et heredes mei uel mei assignati warantizabimus acquietabimus et defendemus dictum mesuagium dicte Edeline heredibus suis uel suis assignatis contra omnes gentes mares et feminas tam Iudeos quam Cristianos per predictum seruitium in perpetuum Et ut hec omnia predicta firma et stabilia permaneant in perpetuum hanc cartam sigilli mei inpressione corroboraui Hiis testibus Nicholao de Kingestune tunc maiore Oxonie Galfrido Aurifabro Iohanne de Eu tunc balliuis Elya le Quilter Iohanne de Filleking Martino Exemplatore Willelmo Pille Iohanne Marscallo Philippo Notario Nicholao Whystle Thoma le Taylur Oliuero de Tywe Iacobo Clerico et multis aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.