Acta est hec composicio anno regni regis Henrici filii regis Johannis vicesimo quarto inter Nicholaum priorem de Dauentre ex parte una et Christianiam quondam uxorem Galfridi Porter ex altera scilicet quod dicti prior et conuentus ad instanciam et petiticionem domini Siluestri de Euerdon clerici domini regis tradiderunt et concesserunt dicte Christiane custodiam Galfridi filii et heredis Galfridi le Porter cum custodis porte sue et cum tota terra quam Galfridus uir dicte Christiane tenebat de eis die obitus sui cum omnibus pertinenciis exceptis dote ipsius Christiane tenend et habend de dictis monachis usque ad plenam etatem prenominati pueri Ita tam quod dicta Christiana assensu et uoluntate dictorum prioris et conuentus inueniet seruientem fidelem et idoneum ad dictam portam custodiendam nec se nec predictum puerum aliquo modo suis licencia et assensu dictorum monachorum maritabit Pro hac autem donacione et concessione predicta Christiana dedit predictis monachis xx solidos premanibus et hanc conuencionem fidliter et sine fraude obseruandam et tenend dicta Christiana per se coram multis affidauit In cuius rei testimonium presens scriptum in modum cirographi est confectum ac sigillis partium huic inde appositis corroboratum Hiis testibus domino Simone de Trop milite Rogero Golafre Johanne Gemme et aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.