Sciant presentes et futuri quod nos Jacobus prior et conventus de Daventre concessimus Galfrido Caterich de Trop pro homagio et servicio suo unam virgatam terre in eadem villa illam scilicet quam Henricus pater eius tenuit de nobis habend et tenend de nobis et successoribus nostris sibi et heredibus suis pacifice et quiete pro dimidia marca argenti nobis annuatim ad duos terminos persolvenda scilicet ad Pascha quadraginta denarios et ad festum sancti Micahaelis quadraginta denarios Et preterea inveniet prefatus Galfridus et heredes sui semel in anno unum hominem ad pratum secandum ad segetes vero colligendas duos vernaculos promptos ter in messe exhibebit quos una die monachi cibo reficient De reliquis vero ipse providebit Et ter in anno dimidio aratro ad opus nostrum arabit scilicet in quadragesima semel in estate semel post festum sancti Michaelis pro omni servicio salvo forinseco Pro hac autem concessione dedit nobis prefatus Galfridus unam marcam argenti ingersummam Ut autem hec nostra concessio sibi et heredibus suis firma sit et stabilis eam presenti scripto et sigillo nostro confirmavimus Hiis testibus Willelmo de Daventre Radulpho de Trop Rogero Gulafre Warino de Throp Henrico milite Suger capellano Nigello Rogero et multis aliis

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.