Omnibus sancte matris ecclesie filiis ad quos presens scriptum peruenerit A dei gracia abbas Egnesham[] et eiusdem loci conuentus salutem in domino Sciatis nos pro utilitate et promocione domus nostre per consilium amicorum nostrorum locasse totam terram que fuit de dominico nostro et iacet extra willam Egnesham[] scilicet inter ipsam uillam et magnam stratam uersus pontem de Kersintone ad austrum et similiter totam illam terram que fuit de dominico nostro uersus north in longitudine uiginti perticarum ab eadem strata uersus north tali conditione quod quicumque de illis terris tenuerit unam acram soluet nobis annuatim quatuor solidos uidelicet ad Nathale Domini xii d et ad Annuntiationem beate Uirginis xii d et ad Natiuitatem beati Iohannis Baptiste xii d et ad festum sancti Michaelis xii d et qui tres panes unius acre tenuerit soluet nobis tres solidos dictis terminis et qui dimidiam acram tenuerit soluet nobis duo solidos eisdem terminis et qui quartam partem tenuerit soluet nobis xii d terminis memoratis et quicumque de illis terris aliquid acceperint sine alicuius contradictione illud teneant pro predicto seruicio iure hereditario illi et heredes sui in perpetuum tam in uiis et semitis quam introitibus et exitibus infra metas predictarum terrarum assignatas libere et quiete ab omni seruicio et seculari exaccione ad nos pertinente ab omni etiam forinseco seruicio ita liberi et quieti permaneant sicut dominicum nostrum in Egnesham Et si tenentes tenementum suum cuilibet seculari persone dare uel uendere uoluerint libere hoc faciant ita tamen quod uenditor dabit nobis ii denarios et emptor iiii in recognicionem feoudi nostri Hii etiam habebunt prepositum de seppis per liberam suam eleccionem qui nobis et ipsis faciet fidelitatem Et si aliquis de illa terra tentus forisfecerit siue de alio conquestus fuerit super idem tenementum placitum teneatur Et si per iudicium in misericordia ponatur per uisum parium suorum nobis emendabit transgressum suum secundum modum delicti ita tamen quod misericordia x sol[idos] non excedat Et si forte contigerit quod aliquis istorum burgencium moriatur et diuisam suam fecerit de rebus suis in hoc feodo contentis stabil[e] erit Si uero moriatur et diuisam non fecerit catella sua in tres partes diuidantur una pars pueris et alia mulieri tercia per propinquiores parentes suos pro anima sua diuidatur Has libertates et omnes alias bonas consuetudines quas eis dare possimus iuxta libertates burgencium Oxon[] et aliorum in comitatu Oxon[] qui melius et liberius tenent eis concedimus et confirmamus Et in huius rei testimonium cartam istam sigillorum nostrorum impressione munitam commune illorum qui predictum tenementum habebunt tradidimus Actum anno Uerbi incarnati mccxv teste capitulo

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.