Sciant presentes et futuri quod nos Nicholaus prior et conuentus de Dauentre concessimus et hac carta nostra confirmauimus Johanni Kecht de Preston pro homagio et seruicio suo unam uirgatam terre in Preston illam scilicet quam Warinus Kecht aliquando tenuit et mesuagium quod Robertus de Maydeford tenuit cum duabus selionibus ad idem mesuagium pertinentibus cum predicto tofto et aliis pertinenciis tenend et habend de domo nostra eodem Johanne et heredibus suis in feudo et hereditarie plenare libere et quiete de omnibus seruiciis et consuetudinibus ad domum nostram pertinentibus saluo forinseco seruicio reddendo inde annuatim domui nostre iiii solidos scilicet ad Pascha xii den ad natiuitatem sancti Johannis baptiste xii den ad festum sancti Micahelis xii den et ad Natale domini xii den et de hoc fecimus eum securum scripto et sigillo domus nostre In huius rei testimonium presens scriptum immodum cyrographum inter nos est confectum et sigillis nostris huic inde appositis roboramus Hiis testibus domino Philippo uicario de Preston Rogero Folyot Willelmo Lesrianut de eadem et multis aliis Datum anno domini millesimo ccl octavo die sancti Gregorii pape

Source Fulltext: Cartulary of Daventry Priory. M. J. Franklin. Northamptonshire Record Society, V.35. Northamptonshire Record Society. Northampton. 1988.