In nomine Patris et Filii et Spiritus Sancti amen Hoc est testamentum domini Willelmi de Arundel rectoris ecclesie de Mikelham In primis legat animam suam Deo et corpus suum sepeliendum coram magno altari in ecclesia de Mikelham Item legat ecclesie Sancti Dion magnam domum que fuit Alicie sororis sue et domum suam quam dictus Willelmus inhabitare consueuit cum omnibus redditibus et gardinis in uilla Suth in parochia ecclesie Sancte Crucis uersus orientem ad sustentationem unius canonici ad celebrandum diuina pro anima sua et pro animabus patris et matris sue et antecessorum suorum et fidelium omnium defunctorum Item legat eidem ecclesie duas soppas quas habuit de eadem ecclesia que site sunt in uilla predicta uersus occidentem inter domum Thome de Andeuere et domum que fuit Roberti de Arundel patris sui Item legat eidem ecclesie tenementum quod emit de Petro Dunes contiguam domui sororis ad anniuersarium suum singulis annis inter dictos canonicos faciendum Item legat ad reparationem cancelli dimidiam marcam Item domino Willelmo capellano suo dimidiam marcam Item Willelmo Kempe xii den Item fratribus predicatoribus de Guldeford dimidiam marcam Item Willelmo nepoti Thome de Aperdale ii quart[] frumenti et ii ordei Item singulis filiolis suis vi den Item Henrico de Arundel v sol Item Iohanne fil[] Gilberti de Mikelham dimidiam marcam Item Willelmi filii eiusdem dimidiam marcam Item ad luminar[] Beate Virginis ii multon[] et ii oues Item Ioh[] de Newenham unam marcam Si qua uero de bonis suis preter predicta residua fuerint legat illa pauperibus de parentela sua et de parochia sua Huius testamenti executores instituit dominum W capellanum suum et Iohannem de Newenham qui duo omnia predicta et si qua sint alia de consilio fratris Ricardi de Sancto Dion uterini sui exequuntur Dat anno domini mcclxxxix in festo Beati Barnabe Apostoli In cuius rei testimonium signum suum apposuit Hiis testibus Probatum fuit presens testamentum coram nobis P de Barthon offic[] Wint[] xvii kalend[] Iulii anno domini mcc nonogesimo quinto et pronuntiatum pro eodem iust[] exigente et administratio bonorum defuncti concessa in forma iuris executoribus in testamento nominatis In cuius rei testimonium sigillum offic[] Wint[] presenti testamento est appositum Dat[] apud Kingeston[] die et anno predictis

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.