Omnibus[] Christi fidelibus hoc scriptum visuris uel audituris Alicia relicta quondam Roberti de Camboc salutem in Domino Noueritis quod cum religiosi viri domini prior et conuentus de Lanrecost[] quandam terram quam Johannes prepositus tenuit apud Pontem de King mihi toto tempore vite mee etiam si maritum accipiam nullo tamen eidem marito meo jure competente tenend dictam terram nisi quamdiu vixero pro annua firma et aliis omnibus consuetis eidem terre incumbentibus de eisdem religiosis tenend dimisissent dum tamen bene fideliter ac legaliter me habeam seu marito accepto nos habeamus ac dictam terram et onera eidem incumbentia sufficienter et plene sustineam seu sustineamus ego in libera potestate et ligya viduitate mea resignaui et quietumclamaui omne jus et clamium si quod habui in terra de Clouesgile seu quamcumque alia terra ad dictos religiosos pertinente Ita quod in dictis terris seu pertinenciis earundem nomine dotis seu quocunque alio titulo nullum jus uel clamium in posterum exigere potero uel vendicare Iuri etiam si quod habui petendi aliquod corredium uel liberacionem de dictis religiosis quacunque ratione mera voluntate et expresse renuntians eosdem religiosos per peticionem predictorum nunquam in posterum inquietabo In cuius rei testimonium huic instrumento sigillum meum apposui Testibus Roberto de Castelkairoc tunc senescallo Gillesland[] Roberto de Wartwik[] Roberto de Lamore Hugone de Talkan Thoma de Birkinside et aliis Act[] et dat[] apud Lanrecost[] ix kal[] junii anno Domini m cc lxxx nono

Source Fulltext: Lanercost Cartulary. J. M.Todd. Cumberland and Westmorland Antiquarian and Archaeological Society Record Series, V.11. Surtees Society. Athenaeum Press. Durham. 1997.