Notum sit omnibus quod cum Prior et conuentus Sancti Dion[] iuxta Suth[]t recipere debeant annuatim in perpetuum decem solidos quieti redditus racione testamenti Nicholai Beket nuper defuncti de medietate cuiusdam celarii cum petrino quod celarium cum petrino Robertus le Mercyr emit de dicto Nicholao Beket nuper defuncto et est situm in uille Suth[] super ripam maris apud Westhuthe inter celarium cum petrino quod dictus Robertus emit de Iohanne le Wetghare ex parte australi et uenellam que dicitur Craunteslane ex parte boriali quem quidem redditum decem solidorum Robertus le Mercyr burgensis Suth per dictum Nicholaum de dicta medietate feoffatus annuatim soluere debet et solet ita inter dictos priorem et conuentum ex una parte et dictum Robertum ex altera conuenit quod si idem Robertus de dicta medietate implacitatus fuerit a quocumque qui in eadem ius exegerit et eandem per iudicium perdiderit de dictis decem solidis uersus dictos priorem et conuentum ex tunc quietus in perpetuum remanebit In cuius rei testimonium presenti scripto partito frater Henricus prior dicte ecclesie et conuentus ex una parte et dictus Robertus ex altera sigilla sua alternatim apposuerunt Dat[] et act[] mense Decembris anno domini millesimo cc octogesimo septimo qui fuit annus regni regis Edwardi filii regis Henrici decimus sextus Hiis testibus etc

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.