Sciantes presentes et futuri quod nos Symon Scotus et Iuliana uxor mea cum communi consensu et assensu pro anima nostra et antecessorum et successorum nostrorum dedimus et concessimus et hac presenti carta nostra confirmauimus fratri Nicholao magistro hospitalis sancti Iohannis extra portam orientalem Oxonie et confratribus eiusdem loci ad sustentationem charnerii dicte domus et ad auxilium unius capellani ad celebrandum diuina pro animabus omnium fidelium defunctorum in dicto charnerio unum tenementum cum omnibus pertinentiis quod situm est in Oxonia infra Smethegate in parochia sancti Petri orientalis inter tenementum Uniuersitatis ex una parte et tenementum dicti Symonis ex altera quod tenementum quondam habuimus de dono Walteri de Wellis in liberam et puram et perpetuam elemosinam imperpetuum tenend et habend dictum tenementum cum omnibus pertinentiis de nobis et de heredibus nostris uel de nostris assignatis dictis fratri Nicholao [magistro] hospitalis predicti et confratribus eiusdem loci et successoribus eorum ad usum predictum libere quiete bene pacifice et integre in liberam et puram et perpetuam elemosinam imperpetuum reddendo inde annuatim heredibus Walteri de Wellis uel suis assignatis unam libram cymini ad Pascha et heredibus uel assignatis Iohannis Bolepanne annuatim unum denarium ad Pascha pro omnibus secularibus seruitiis consuetudinibus exactionibus et demandis uniuersis Et nos dicti Symon et Iuliana uxor mea et heredes nostri uel nostri assignati dictum tenementum cum pertinentiis dictis fratri Nicholao magistro hospitalis predicti et confratribus eiusdem loci et successoribus eorum ad usum predictum contra omnes mortales mares et feminas tam Iudeos quam Cristianos warantizabimus defendemus et acquietabimus in liberam et puram et perpetuam elemosinam imperpetuum Et ut hec nostra donatio concessio carte nostre confirmatio rata et stabilis et inconcussa [permaneat] dictis fratri Nicholao magistro hospitalis predicti et confratribus eiusdem loci et successoribus eorum ad usum predictum in liberam et puram et perpetuam elemosinam imperpetuum huic presenti scripto sigilla nostra apposuimus hiis testibus Willelmo le Espicer tunc maiore Oxonie Thoma de Sowy Andrea de Pyrie tunc balliuis Oxonie Henrico Owayn Iohanne Culuert Philippo de Ow Iohanne de Ow Henrico de Gamages Symone Ligatore Yon Ligatore Roberto de Lyncolne et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.