Hec est diuisa facta inter Nicholaum priorem Sancti Dion[] iuxta Suth[] et eiusdem loci conuentum ex una parte et Robertum precentorem et capellanos et clericos ecclesie Beate Marie Suth[] ex altera de una crofta que iacet retro grangias ad dictam ecclesiam Beate Marie pertinentes ex parte orientali inter easdem grangias et terram Sancti Andree cuius crofte una medietas pertinet ad ecclesiam Sancti Dion et alia medietas ad dictam ecclesiam Beate Marie Facta est uidelicet diuisa utriusque partis assensu per medium eiusdem crofte ab aquilone uersus meridiem a uia que uadit ad ecclesiam Sancte Trinitatis usque ad fossatum quod diuidit inter eandem croftam et salsum mariscum Et pars occidentalis que proximior est dictis grangiis remanet dicte ecclesie Beate Marie pars uero orientalis usque ad fossatum inter dictam croftam et terram Sancti Andree cum iure fossati remanet dicte ecclesie Sancti Dion[] Et computatur utraque pars pro una acra Et conuenit quod neutri parcium liceat obstruere uel prosternere fossatum quod diuidit inter dictam croftam et salsum mariscum in dampnum uel nocumentum alterius Et ut hec diuisa stabilis sit et perpetua presenti scripto partito predicte partes sigilla sua alternatim apposuerunt Et hoc mens[] Octobris anno domini millesimo cc septuagesimo octavo

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.