Anno gracie m cc lxx octavo ad festum Nicholai ita convenit inter dompnum Laurencium abbatem de Parco Stanleye et ejusdem loci conventus ex una parte et Gervasium de Ayelwelle ex altera videlicet quod dicti abbas et conventus concesserunt et dimiserunt eidem Gervasio quoad vixerit set non heredibus nec assignatis septem acras terre et dimidiam cum pertinenciis in Ayelwelle quas idem Gervasius olim tenuit de predictis abbate et conventu habend et tenend dicto Gervasio sicut predictum est in tota vita sua libere quiete integre reddendo inde annuatim dictis abbati et conventui viginti denarios scilicet decem denarios ad pentecosten et decem denarios ad festum sancti Martini et faciendo forinseca servicia debita et consueta Nec poterit dictus Gervasius hujus concessionis seu dimissionis gracia dictum tenementum vel aliquam ipsius particulam alicui invadiare dare vendere vel aliquo modo absque predictorum canonicorum voluntate speciali alienare Quod si dictus Gervasius ad aliquem terminum defecerit in solucione firme supradicte vel in aliquo premissorum contraire presumpserit factum suum in hac parte vacuum sit omnino et irritum et totum tenementum ad predictos canonicos plenarie revertetur ipsius Gervasii seu cujuscumque alterius contradiccione non obstante In hujus rei testimonium diverse partes diversis hujus scripti in modum cyrografphi confecti partibus alternatim sua signa apposuerunt Hiis testibus etc

Source Fulltext: Cartulary of Dale Abbey. Royal Commission on Historical Mansucripts Joint Publication, 11. Avrom Saltman. Derbyshire Archaeological Society Record Series, 2. Derbyshire Archaeological Society. H.M.S.O. London. 1967.