Omnibus Christi fidelibus ad quos presentes littere pervenerint Iohannes dictus Pyrys de Terstewode et Christiana uxor eiusdem salutem in domino sempiternam Cum tenementum quod aliquando fuit Bartholomei le Ysmangar[] in Romes[] teneatur priori et conventui Sancti Dion[] iuxta Suth[] et eorum successoribus in duobus solidis sterlingorum annui et quieti redditus quemadmodum in instrumento eorundem plenius continetur noverit universitas vestra nos pro dictis duobus solidis ad distringendum illud tenementum quod aliquando fuit Willelmi Hurdi in dicta villa de Romes[] situm in macello eiusdem ville perit[] cum tenemento Superius nominato absque strepitu iudiciali vel ballivorum quorumcumque impedimento aliquibus prefato prior et conventui et eorum successoribus si forte quod absit in dictorum duorum solidorum solucione terminis debitis ac consuetis quandoque defecerimus liberam dedisse ac concessisse tenore presencium facultatem In cuius rei testimonium presentes impressione sigilli nostri signatas sepedictis priori et conventui et eorum successoribus fieri fecimus patentes Dat[] apud Romes[] quinto kalen[] Februarii anno regni regis Edwardi tricesimo quarto

Source Fulltext: Cartulary of the Priory of St. Denys near Southampton. E. O. Blake. Southampton Record Series, V.24. Southampton University Press. Southampton. 1981.