Idibus Januarii A[nno] D[omini] m ccc quinto Adam de Amcotes procurator domini Johannis de Amcotes cui Magister Robertus de Alburwyk Praepositus Beverlacensis contulit corrodium in Bederna quod olim fuit Magistri Willelmi de Pykering comparuit coram nobis Capitulo Beati Johannis Beverlacensis Magistro Willelmo de Lincoln Johanne de Risidon auditore capituli capitulum repraesentantibus exhibuitque quoddam procuratorium sub manu propria confectum quo inspecto lecto et plenius intellecto ejusque copia penes nos retenta Idem procurator exhibuit quamdam literam collationis cujus tenor talis est R[] de Alburwyke Praepositus Beverlacensis Dilecto nobis in Christo Domino Johanni de Amcotes capellano Salutem in omnium Salvatore Corrodium quod Magister Willelmus de Pykering clericus habuit in Bederna Beverlacensi per mortem ejusdem vacans et ad nostram collationem spectans cum suis juribus et pertinentiis universis tibi munere caritatis conferimus per praesentes Valete Datis apud Auckland Dunelmensis dyoceseos iij Non[es] Julii A[nno] D[omini] m ccc quarto Itaque altercatione aliquantulum super eo quod in dicto procuratorio deficiebat quaedam clausula specialis et juramentum de observandis libertatibus et consuetudinibus et statutis prestandis tandem quia in eodem procuratorio multae aliae clausulae speciales continebantur una cum illa et quodlibet genus liciti sacramenti in animam meam praestandi et illa clausula omnia alia faciendi et si mandatum exigant speciale Nos communicato consilio nobis assidentem dictum Dominum Johannem in persona procuratoris supradicti in forma quae sequitur duximus admittendum videlicet ad corrodium praedictum ab isto die usque ad diem Sancti Petri ad vincula in manibus Magistri Alani de Cotum remaneat sequestratum quem diem eidem Johanni ad veniendum et jurandum corporaliter de consuetudinibus et statutis et aliis secundum consuetudinem ecclesiae nostrae observandis et si ad dictum diem vel citra non venerit dictum corrodium medio tempore perceptum et proventus ejusdem cedant ordinationi Capituli et hoc de assensu Magistri Alani qui dicti corrodii sequestrum custodire specialiter promittebat et si citra diem venerit vel ad diem Magister Alanus de proventibus dicti corrodii ab isto die integraliter respondebit Quibus actis dictum Johannem admisimus ad corrodium praedictum in persona procuratoris suis quatinus de jure fuerit admittendus eidem in persona procuratoris sui stallum in choro per nostrum Camerarium assignantes salvo jure cujuscunque Qui procurator in animam domini sui in forma quae sequitur praestitit juramentum Ego juro super sacrosanctis evangeliis in animam domini mei quod fidelis ero et obediens Capitulo ecclesiae Beati Johannis Beverlacensis ejusque ministris in canonicis et licitis mandatis etc

Source Fulltext: Memorials of Beverley Minster. The Chapter Act Book of the Collegiate Church of St. John of Beverley, A.D. 1286-1347. A. F. Leach. Surtees Society, V.98. Surtees Society. Andrews & Co. London. 1897.