Uniuersis sancte matris ecclesie filiis presens scriptum uisuris et audituris abbas et conuentus de Lauenden eternam in domino salutem Nouerit uniuersitas uestra nos intuitu dei et communi consilio abbatum de Solebi et de Hales auctoritate abbatis premonstratensis huius negotii ordinatorum dedisse et concessisse et hac carta nostra confirmasse in liberam puram et perpetuam elemosinam priori et monachis de Snelleshale presentibus et futuris capellam de Thatheo cum terris et fructibus et omnibus pertinenciis suis Ita quod predicti prior et monachi omnia onera predictam capellam contingentia subibunt et sustinebunt et liberaliter remittimus eis imperpetuum unam marcam annuatim quam nobis reddere solebant pro loco de Snelleshale in quo monasterium suum situm est Quare concedimus eisdem et uolumus quod predicti prior et monachi et successores eorum habeant et teneant in perpetuum bene et in pace dictam capellam cum omnibus libertatibus et pertinenciis suis et prefatum locum de Snelleshale cum omnibus libertatibus et pertinenciis suis Libere et quiete ab omni seruicio et exaccione et demanda quas quocumque titulo habuimus uel habere potuimus in dictis capella et loco et nos et successores nostri warantizabimus eis et successoribus suis dictam capellam de Thatheo cum omnibus libertatibus et pertinenciis suis et prefatum locum de Snelleshale cum omnibus libertatibus et pertinenciis suis contra omnes gentes inperpetuum Et ut hac nostra donatio concessio et confirmacio firma et stabilis sit inperpetuum eam presenti scripto et sigillo nostro communi corroborauimus Hiis testibus M archidiacono Buckingham R decano de Neuportia magistro P persona de Paddebur Willelmo filio Hamonis Alano fratre suo et multis aliis

Source Fulltext: Cartulary of Snelshall Priory. J. G. Jenkins. Buckinghamshire Record Society, V.9. Buckinghamshire Record Society. Bedford. 1952.