Anno regni regis Edwardi xxx festum sancti Michaelis ita conuenit inter Margeriam priorissam de Harewolde ex una parte et Gilbertum Aurifabrum ex altera Videlicet quod dicta priorissa et conuentus concesserunt et dimiserunt dictis Gilberto et Isabella uxori vnam placeam terre in villa de Bedeford in parochia sancti Petri de Mertone videlicet placeam que est inter tenement Johannis Cullebere ex una parte et tenementum predicti Gilberti ex altera parte et abuttat versus regalem viam habend et tenend dictam placeam dictis Gilberto Isabelle uxori sue in tota vita eorum seu eorum alteri qui diucius vixerit libere quiete bene et in pace de dictis priorissa et conuentu Reddendo eisdem annuatim duodecim denarios ad quatuor anni terminos videlicet ad festum Annunciacionis beate Marie iij d et ad festum sancti Johannis Babtiste iij d et ad festum sancti Michaelis iij d et ad festum Nathalis Domini iij d pro omnibus Et sciendum quod dicti Gilbertus et Isabella uxor sua super dictam placeam unam domum honestam honorifice edificabunt et nisi hoc fecerint quod dicta placea dictis priorisse et conuentui redeat Dicta uero priorissa et conuentus dictam placeam dictis Gilberto et Isabelle uxori sue usque ad predictum terminum contra omnes gentes warentizabunt et defendent In cuius rei testimonium diuersis cirografi huius partibus alternatim sigilla sua apposuerunt Hiis testibus Ricardo clerico Willelmo Fleming Johanne Cullebere Johanne Wymond Nicholao Feroun et aliis

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.