Sciant presentes et futuri quod cum contencio verteretur inter fratrem Amblardum de sancto Romano magistrum et fratres milicie Templi in Anglia ex una parte et Robertum de Esseby et Philippam uxorem eius ex altera de una roda pasture in Hornecroftesbrok et de una placia terre continente in longitudine xviij pedes et in latitudine xvj pedes iuxta Hornecroft et de quidam aqua dominica de Hornecroftesdic usque in curiam dictorum Roberti et Philippe tandem inter predictas partes ad festum sancti Barnabe apostoli anno domini mcclx tercio conuenit amicabiliter sub hac forma Scilicet quod predicti magister et fratres de communi consilio et assensu capituli sui in dicto festo apud Dynesle celebrati concesserunt et quiet[] clamauerunt pro se et successoribus suis predictis Roberto et Philippe predictam rodam pasture in Hornecroftesbrok et predictam placyam terre continentem longitudinem prenotatam et terciam partem predicte aque diuertendam de predicto Hornecroftesdik usque in curiam suam habend et tenend predictis Roberto et Philippe et eorum heredibus libere quiete et in pace Ita tantum quod cursus predicte tercie partis aque nullam putredinem appropinquet Ita etiam quod predicti magister et fratres uel eorum successores predictum cursum in posterum nullo modo impedient uel uendicabunt Et predicti Robertus et Philippa pro ista amicabili composicione dederunt et concesserunt et presenti scripto suo confirmauerunt predictis magistro et fratribus duas acras terre cum pertinenciis in campis de Harewold[] quarum una dimidia acra jacet ad Lauendenepath in campo de Westfeld inter terram eiusdem Roberti de Esseby et terram Roberti filii Ode et una dimidia acra terre in eodem campo inter croftum Rogeri Balke et terram Priorisse de Harewolde et una dimidia acra terre apud Betericheswelle in campo de Wodefeld inter terram quam Walterus le gardiner tenuit et terram Ricardi Clement[] et una dimidia acra terre apud Brodemor in eodem campo inter terram predicti Roberti de Esseby et terram Henrici filii Hyllarii habend et tenend predictis fratribus et eorum successoribus libere integre et quiete cum omnibus pertinenciis suis in liberam puram et perpetuam elemosinam quieta et soluta ab omni seculari seruicio et demanda Et preterea predicti Robertus et Philippa dederunt concesserunt et presenti scripto suo confirmauerunt predictis magistro et fratribus unam dimidiam rodam terre abbuttantem super Wodehullstrat[] jacentem inter terram Willelmi le Champyun et terram Aubrede relicte Ade filii Galfridi et unam dimidiam acram terre jacentem in Nordlonge inter terram Roberti filii Willelmi et terram Radulfi de Fraxino in perpetuum escambium pro una dimidia roda terre abuttante super Hornecroft iuxta terram Wymarc de Brokstrate ex parte australi et pro una dimidia acra terre jacente inter terram dictorum Roberti et Philippe ex una parte et Hornecroftesbrok ex altera Ita scilicet quod predicti magister et fratres et successores sui predictam dimidiam rodam terre abbuttantem super Wodehullstrate et predictam dimidiam acram terre jacentem in Nordlonge [teneant] in liberam puram et perpetuam elemosinam Et predicti Robertus et Philippa dictam dimidiam rodam terre abbuttantem super Hornecroft et dimidiam acram terre iacentem inter terram dictorum Roberti et Philippe et Hornecroftesbrok[] habeant et teneant libere integre et in pace inperpetuum quietas et solutas ab omni seculari seruicio consuetudine et demanda Et predicti magister et fratres et eorum successores et prefati Robertus et Philippa et eorum heredes uel assingnati predictas pasturam et terras una cum cursu aque sicut superius sunt prenotate et discrete hinc inde contra omnes gentes warantizabunt deffendent et aquietabunt inperpetuum In cuius rei testimonium et perpetuam stabilitatem presenti scripto cirographato sigillum capituli dictorum magistri et fratrum et sigilla dictorum Roberti et Philippe alternatim sunt appensa Hiis testibus fratre Radulfo et fratre Johanne capellanis fratre Willelmo le Englays fratre Rogero de Akeney fratre Willelmo de Merieden fratre Roberto de [...] Stratona fratre Ricardo filio Johannis tunc preceptore de Dynesle et aliis

Source Fulltext: Records of Harrold Priory. G. H. Fowler. Bedfordshire Historical Records Society, V.17. Bedfordshire Historical Records Society. Aspley Guise. 1935.