Robertus dei gracia Lincolniensis episcopus uniuersis sancte matris ecclesie filiis salutem Ea que dei fideles rationabilibus modis in diocesi nostra possint adipisci dignum est a nobis protegi et episcopali auctoritate confirmari Eapropter ecclesie sancte Marie de Parco Tham[e] et abbati et fratribus et monachis ibidem in dei seruitio degentibus tam presentibus quam futuris concedimus et confirmamus et nostri impressione sigilli communimus donationem quam Hugo Alexandri bone memorie Lincolniensis episcopi constabularius eis fecit de dimidia hida terre in Mortone assensu Adelid[is] uxoris sue et heredum suorum quam uidelicet dimidiam hidam dederat prefato Hugoni et uxori sue Gaufridus de Mortone cum pratis et pasturis et rebus omnibus ad eandem pertinentibus pro releuatione terre sue sicut carta eiusdem Hugonis testatur Preterea concedimus et confirmamus eisdem fratribus unam hidam terre quam dedit eis in Mortone Gaufridus de Mortone cum prato quod uocatur Ailrikesmor Totum autem seruitium nostrum quod ad nos pertinebat de hac predicta hida et dimidia imperpetuum prenominate ecclesie sancte Marie de Parco et fratribus presentibus et in posterum futuris pro salute anime nostre et predecessorum nostrorum condonamus Testibus magistro Gaufrido electo sancti Asaph Hugone Lerecestrie archidiacono Roberto Oxon[] archidiacono Roberto Cadom[] Ricardo Dameri Radulfo Monemumensi canonicis

Source Fulltext: Cartulary of Thame. H. E. Salter. Oxfordshire Record Society, V.24. Oxfordshire Record Society. Oxford. 1947.