Theodbaldus Dei gratia Cantuariensis archiepiscopus et apostolice sedis legatus et Anglorum primas venerabili fratri Nigello Elyensi episcopo et omnibus fidelibus salutem Causa que nitebatur inter Elyenses et Willelmum archidiaconum Cantebrigie mutato nomine de Ely ex archidiaconatu ex mandatis domini pape Eugenii et interveniente transactione idem Willelmus tenebit et habebit consuetudines de ecclesiis insule que ad matricem ecclesiam pertinere noscuntur et nomine monachorum possidebit reddendo eis annuum canonem decem solidos et ex ecclesiis de Heuekestune et de Neuetune eodem modo faciet annuam pensionem eis tribuens et post illius decessum omnia ad usus monachorum convertantur Hec namque de ceteris ecclesiis suis canonice susceptis hoc modo nostra auctoritate censemus et iudicamus Valete

Source Fulltext: Liber Eliensis. E. O. Blake. Camden Third Series, V.92. Offices of the Royal Historical Society. London. 1962.