Omnibus sancte matris ecclesie filiis ad quos presens scriptum pervenerit Savaricus dei gratia Bathon[iensis] et Glaston[iensis] episcopus salutem in domino Noverit universitas vestra nos de communi consilio et assensu Alexandri decani Wellen[sis] et totius eiusdem loci capituli concessisse abbatibus et conventui sancte Marie Becci in perpetuum ecclesiam sancti Andree de Cliva cum omnibus pertinenciis suis in prebendam Wellen[sem] statuentes et concedentes ut dicti abbates et conventus de Becco in perpetuum ecclesiam illam habeant et teneant integre et quiete ab omni exactione episcopali et archidiacon[] et officialium suorum tamquam liberam prebendam et inde canonici sint habentes stallum in choro locum in capitulo et communam et plenariam fraternitatem ecclesie Wellen[sis] in vita et in morte more aliorum canonicorum eo excepto quod dicti abbates et conventus nullatenus cogi poterunt ad residenciam faciendam in ecclesia Wellensi in propria persona et quod contra hoc nichil impetrabimus et si quid impetratum fuerit eo non utemur Invenient etiam memorati abbates et conventus de Becco vicarium perpetuo residentem in ecclesia Wellensi ministrantem pro eis in officio sacerdotali qui recipiet ab eis quatuor marcas sterlingorum in quatuor terminis anni scilicet in Natali unam marcam in Pascha unam marcam in festo sancti Iohannis unam marcam in festo sancti Michaelis unam marcam per procuratorem suum quem constituent super ecclesia de Cliva recepturum eciam alia que vicarium contingunt ministrantem in officio sacerdotali in ecclesia Wellensi secundum consuetudinem eiusdem ecclesie concessimus eciam ut pro abbatibus Beccen[sibus] decedentibus flat obsequium in ecclesia Wellen[si] in die obitus sui et die anniversarii sicut pro episcopis Bathon[iensibus] quantum ad spiritualia medio autem tempore tanquam pro canonico nostro et pro fratribus decedentibus sicut pro canonicis nostris in obitu et die anniversarii et medio tempore sicut consuevit fieri pro canonicis nostris in spiritualibus procuracione excepta Concessimus etiam quod sive abbas sive alius quilibet monachus [] vel de ordine Becci per Welles transitum fecerit plenariam habeat communam tanquam canonicus Wellensis id idem de nobis et fratribus nostris in vita et in morte in ecclesia Beccensi de eorundem concessione habituri Quod ut raturn sit et firmum sigilli nostri auctoritate duximus roborandum Actum anno gratie mcxcix in presencia domini h[uberti] Cantuariensis archiepiscopi Radulfi primi abbatis de Cliva Godefridi fratris comitis Flandrensis archidiaconi Cameracensis magistri i[ohannis] de Tinemue magistri Willelmi de Sumercote Iohannis de Sancto Edmundo

Source Fulltext: Select Documents of the English Lands of the Abbey of Bec. M. Chibnall. Camden Third Series, V.73. Offices of the Royal Historical Society. London. 1951.