Omnibus ad quos presens scriptum peruenerit Samson dei gratia abbas sancti Edmundi et totus conuentus eiusdem loci eternam in domino salutem Nouerit uniuersitas uestra nos communi assensu et uoluntate concessisse et presenti carta confirmasse Roberto filio Radulfi de Halstede et heredibus suis unum pratum nostrum in Halstede pertinens ad aulam nostram de Horningesh quod iacet inter magnam uiam de Clara et stagnum molendini predicti Roberti tenend de nobis et de successoribus nostris per liberum seruitium ij solidorum reddendorum prenominate aule nostre de Horningesh ad duos terminos in anno scilicet vi d ad quamlibet firmam ut firme euenerint de predicta uilla Quapropter uolumus et firmiter precipimus quod prenominatus Robertus et heredes sui habeant et teneant prenominatum pratum bene et in pace libere et quiete per predictum seruitium pro omnibus seruitiis et consuetudinibus et auxiliis saluo generali auxilio nostro de tanto tenemento quando generaliter ponetur per abbatiam Huius concessionis et confirmationis anno ab incarnatione domini mc xcix facte hiis testibus Roberto priore et ceteris

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.