Omnibus ad quos presens scriptum peruenerit Samson dei gratia abbas Sancti Edmundi et totus conuentus eiusdem loci salutem Nouerit uniuersitas uestra nos communi assensu et uoluntate concessisse et presenti carta confirmasse Radulpho filio Briani de Rede totam terram quam Brianus pater eiusdem tenuit in uilla de Rede de nobis que terra appellatur Blakelad et Brusciam unam que abbuttat bosco nostro de Wepstede et preterea terciam partem bosci de Litlehei de eodem tenemento tenend de nobis et de successoribus nostris in perpetuum per liberum seruitium v solidorum annuatim reddendorum aule nostre de Horningesh ad iiij firmas eiusdem uille scilicet ad quamlibet firmam xv denarios Quapropter uolumus et firmiter precipimus quod prenominatus Radulphus et heredes sui habeant et teneant hereditarie prenominata tenementa bene et in pace libere et quiete plene et honorifice per predictum seruitium pro omnibus seruitiis et consuetudinibus et exactionibus saluo tamen generali auxilio nostro de tanto tenemento quando ponetur per alias terras abbatie Huius concessionis et confirmationis anno ab incarnatione dei mc xc ix facte Hii sunt testes Robertus prior

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.