Omnibus ad quos presens scriptum peruenerit Samson dei gratia abbas sancti Edmundi et totus conuentus eiusdem loci salutem Nouerit uniuersitas uestra nos concessisse et dedisse et presenti carta confirmasse Petro Marescallo et heredibus suis pro homagio et seruitio suo unam terram in uilla de Ingham quam Iohannes clericus filius Wlfualdi presbiteri tenuit in eadem uilla que terra se defendit pro xxx acris tenend de nobis et successoribus nostris in perpetuum per liberum seruitium iiij solidorum reddendorum aule nostre de Ingham ad duos terminos in anno scilicet ad festum sancti Michelis ii solidos et ad pascha ii solidos Concessimus etiam ei et heredibus suis unam acram terre in prenominata uilla ad edificandum pro v denariis reddendis prefate aule per annum ad supradictos terminos scilicet ad quemlibet terminum ii d et ob Quapropter uolumus quod prenominatus Petrus et heredes sui habeant et teneant predictas terras in terra arabili in pastura et in bruera libere et quiete plene et integre cum omnibus ad eas terras pertinentiis per prenominatum seruitium pro omnibus seruitiis et consuetudinibus et auxiliis Saluo generali auxilio nostro de tanto tenemento quando generaliter ponetur per alias terras abbatie Huius autem nostre concessionis anno incarnationis domini mc nonagesimo viii facte hii sunt testes Robertus prior Hermerus supprior Iocelinus Cellerarius et multi alii

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.