Omnibus ad quos presens scriptum peruenerit presentibus et futuris Samson dei gratia abbas sancti Edmundi et conuentus eiusdem loci a salutem Nouerit uniuersitas uestra nos concessisse et dedisse et hac presenti carta confirmasse Iohanni de Constantino xl [et] unam acram terre in uilla de Rikighale scilicet xx acras in campo qui uocatur Swaneshit et xii acras terre in campo qui uocatur Grimeshage et ad Wondhestuft sub bosco iiij acras et i rodam et dimidiam rodam et in tofta Godwini iii acras et dimidiam rodam et sub Cumbhagh unam acram tenend de nobis et de successoribus nostris prefato Iohanni et heredibus suis in feodo et hereditate libere et quiete per seruitium xii d annuatim reddendorum aule nostre de Rikighale ad duos terminos scilicet ad festum sancti Michelis vj d et ad pascha vj d pro omnibus seruitiis Preterea concessimus et dedimus eidem Iohanni mesuagium quod est in bosco de Cumbhagh cum bosco de Cumbhagh tenend de nobis et de successoribus nostris prefato Iohanni et heredibus suis in feodo et hereditate per seruitium xii d annuatim reddendorum aule de Hildercle ad duos terminos in anno scilicet ad festum sancti Michelis vi d et ad pascha vi d pro omnibus seruitiis Preterea concessimus et confirmauimus sepedicto Iohanni et heredibus suis unum mesuagium in uilla sancti Edmundi quod magister Galfridus de Constantino tenuit et Willelmus filius suus post eum et x acras iacentes in campis sancti Edmundi ad Tinghoe tenend de nobis per seruitium iij sol annuatim reddendorum celerario sancti Edmundi faciendo etiam wardam et wacgham in uilla sancti Edmundi ut alii liberi homines faciunt pro omnibus seruitiis et consuetudinibus et exactionibus Saluis seruitiis et auxiliis Domini Regis et saluo generali auxilio domini abbatis de predictis tenementis quando ponetur per totam abbatiam Hiis Testibus Hereberto et ceteris

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.