Omnibus ad quos presens scriptum peruenerit Samson dei gratia abbas Sancti Edmundi et totus conuentus eiusdem loci eternam in domino salutem Nouerit uniuersitas uestra nos unanimi assensu et uoluntate concessisse et presenti carta confirmasse Ricardo filio Willelmi de Suberia et heredibus suis totam terram quam tenet de feodo Sancti Edmundi in Pokeham in parrochia de Cornerthe cum omnibus pertinentiis suis tenend de nobis et de successoribus nostris in perpetuum per liberum seruitium duorum solidorum reddendorum singulis annis camere abbatis infra octabis pasche Quare uolumus et firmiter precipimus quod prenominatus Ricardus et heredes sui habeant et teneant prenominatam terram cum omnibus pertinentiis bene et in pace plene et integre libere et quiete per predictum seruitium pro omnibus seruitiis et consuetudinibus et exactionibus saluo auxilio nostro de tanto tenemento quando ponetur generaliter per alias terras abbatie Huius concessionis et confirmationis anno ab incarnatione dei mc xc ix facte hii sunt testes Robertus prior

Source Fulltext: Kalendar of Abbot Samson of Bury St. Edmunds. R. H. C. Davis. Camden Third Series, V.84. Offices of the Royal Historical Society. London. 1954.