Nouerint uniuersi quod controuersia mota inter Willelmum de Balne et Celiam uxorem eius ex una parte et fratrem Willelmum Burdun priorem de Blida et eiusdem loci conuentum ex altera de una marcata annui redditus quam predicti Willelmus et Cecilia exigebantur dedictis priore et conuentu pro quadam quieta clamacione prepositure et tolonei uillate de Blida et iiii bouatarum terre et quarte partis unius bouate terre in Barneby quam Willelmus filius Hugonis pater predicte Cecilie fecit quondam priori et conuentui de Blida per amicabilem composicionem in hac forma quieuit uidelicet quod predicti prior et conuentus pro se et successoribus suis concesserunt soluere dictis Willelmo et Cecilie dictam marcam annuam ad festum sancti Andree et ad Pentecost[] per equales porciones ad totam uitam dicte Cecilie Et prenominati Willelmus et Cecilia obligauerunt se et heredes suos per omnes terras tenementa et mobilia sua ad seruand[] dictos priorem et conuentum et successores suos indempnes uersus quoscumque heredes dicti Willelmi filii Hugonis si eos heredes uel aliquem nomine eorum contigerit aliquid iuris uel clamii in dicta marca annua uel aliqua parte ipsius marce exigere in tota uita ipsius Cecilie saluo tamen iure heredum dicte Cecilie in dicta marca post mortem ipsius Cecilie In cuius rei testimonium [etc]

Source Fulltext: Cartulary of Blyth Priory. Royal Commission on Historical Manuscripts Joint Publication, 17. R. T. Timson. Thoroton Society of Nottinghamshire Record Series, 27. Thoroton Society of Nottinghamshire. H.M.S.O. London. 1973.