Sciant tam presentes quam futuri quod ego Matilda de Mandeuill comitissa Essex et Herford in uiduetate et in libera potestate mea dedi concessi et hac presenti carta mea confirmaui Iohanni filio Galfridi fratri meo pro homagio et seruitio suo totum manerium meum de Querndon cum omnibus pertinentiis suis et cum omni eo quod in dicto manerio habui uel habere potui sine aliquo retenemento habend et tenend in feodo et in hereditate ipsi Iohanni filio Galfridi et heredibus suis de me et heredibus uel assignatis meis libere quiete bene et in pace et integre cum omnibus libertatibus et liberis consuetudinibus ad dictum manerium pertinentibus Saluo seruitio mihi et heredibus uel assignatis meis quod dictum manerium d[ebet] capitali domino feodi et salua mihi et heredibus uel assignatis meis de acressio seruitii vicesima parte unius militis quod seruitium dictus Iohannes filius Galfridi et heredes sui post illum nobis facient pro omnibus seruitiis consuetudinibus exactionibus demandis et rebus omnibus secularibus ad nos pertinentibus Et ego Matilda de Mandeuill comitissa Exesce et Herford et heredes uel assignati mei warantizabimus totum predictum manerium de Querndon cum omnibus pertinentiis suis et cum omni eo quod in dicto manerio habuimus uel habere poterimus sine aliquo retenemento et cum omnibus libertatibus et liberis consuetudinibus ad dictum manerium pertinentibus predicto Iohanni filio Galfridi et heredibus suis contra omnes gentes per seruitium predictum imperpetuum Et ut hec mea donatio concessio warantizatio et presentis carte mee confirmatio perpetuum robur optineant presentem cartam sigillo meo communiui Hiis testibus domino Wareno de Makensy Nicholao de Molys Alexandro de Banudon et aliis

Source Fulltext: Beauchamp Cartulary, 1100-1268. E. Mason. Pipe Roll Society, New Series V.43. Pipe Roll Society. J. W. Ruddock. Lincoln. 1980.