Sciant presentes et futuri quod ego Willelmus Pille et Cristiana uxor mea dedimus concessimus et hac presenti carta nostra confirmauimus fratri Waltero custodi hospitalis sancti Iohannis extra portam orientalem Oxonie et fratribus ibidem deo seruientibus pro salute animarum nostrarum et omnium antecessorum nostrorum viginti et quinque denarios annui redditus de tenemento quod quondam fuit Iohannis Chese quod est inter terram que fuit Philippi clerici et pratum quod uocatur Paris in parochia beati Petri in oriente extra portam orientalem Oxonie annuatim percipiendos ad duos anni terminos uidelicet ad Annuntiationem beate Marie duodecim denarios et ad festum sancti Michelis tresdecim denarios habend et tenend dictis fratribus in perpetuum libere quiete paciffice et honoriffice in liberam puram et perpetuam elemosinam in quantum ad nos uel heredes nostros pertinet reddendo inde annuatim heredibus Iohannis Chese uel eorum assignatis unum obolum argenti ad Pasca pro omni seruitio seculari exactione et demanda Ego uero Willelmus et heredes mei predictum redditum cum suis pertinentiis dictis fratribus et eorum successoribus in perpetuum warantizabimus Pro hac autem donatione concessione et huius carte donationis nostre warantizatione dederunt nobis predicti fratres triginta solidos esterlingorum pre manibus Et ut hec nostra donatio concessio et huius carte confirmatio et warantizatio stabilis et firma imperpetuum perseueret presentem cartam sigillorum nostrorum appositione roborauimus Hiis testibus domino Adam Feteplace tunc maiore Oxonie Iohanne de Colshulle Philippo de Eu tunc balliuis Oxonie Galfrido de Henxee Nicholao de Stocwell Nicholao de Kyngestone Willelmo Ioie Iohanne le Mareschal Gilberto le Chapiler et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.