Omnibus Christi fidelibus hanc cartam uisuris uel audituris frater Walterus magister hospitalis sancti Iohannis extra portam orientalem Oxonie et fratres eiusdem loci salutem in domino Nouerit uniuersitas uestra nos communi assensu totius capituli nostri dedisse concessisse et hac presenti carta nostra confirmasse Iohanni le Einfant de Wolgaricotte totam terram nostram cum domibus desuper existentibus in Catestrette in parochia beate Marie Oxonie uidelicet totam illam terram que iacet inter terram priorisse et conuentus de Litelmore ex una parte et terram Willelmi ligatoris librorum tenend et habend dictam terram cum pertinentiis dicto Iohanni et heredibus suis uel suis assignatis exceptis Uniuersitate cleri Oxonie et Iudaismo et omni loco religioso alio quam nostro libere quiete iure et hereditario in perpetuum reddendo inde annuatim nobis et successoribus nostris decem solidos ad quatuor anni terminos uidelicet ad festum beati Thome apostoli duos solidos et sex denarios ad festum beate Marie in Martio duos solidos et sex denarios ad Natiuitatem sancti Iohannis Baptiste duos solidos et sex denarios et ad festum sancti Michelis duos solidos et sex denarios pro omni seruitio seculari exactione et demanda Dictus uero Iohannes et heredes sui uel sui assignati debent dictum tenementum sustinere semper statum domorum meliorando Licitum est etiam nobis et successoribus nostris dictum tenementum intus et extra pro predicto redditu nostro annuali distringere quotienscumque dictus redditus aretro fuerit in parte uel in toto Et si contigerit quod dictus redditus in arreragio fuerit totus per unum annum integrum et unum diem quod absit tunc licitum est nobis et successoribus nostris dictum tenementum nostrum solutum et quietum in manu nostra saysiare Et nos predicti magister et fratres et successores nostri warantizabimus acquietabimus et defendemus predictum tenementum predicto Iohanni et heredibus suis uel suis assignatis secundum formam prediuisam contra omnes gentes mares et feminas per predictum seruitium in perpetuum Pro hac autem donatione concessione et presentis carte nostre confirmatione dedit nobis predictus Iohannes dimidiam marcam sterlingorum pre manibus Et ut hec omnia predicta et prediuisa firma et stabilia permaneant in perpetuum huic carte sigillum nostrum commune apposuimus Hiis testibus Ada Feteplace tunc maiore Oxonie Iohanne de Colleshulle et Philippo de O tunc balliuis Nicholao Bedello Simone Scot Willelmo ligatore librorum Willelmo de Brytune Iacobo clerico et aliis

Source Fulltext: Cartulary of the Hospital of St. John the Baptist. H. E. Salter. Oxford Historical Society, V.66. Oxfordshire Record Society. Clarendon Press. Oxford. 1914.